११ भदौ, काठमाडौं ।
माधक कुमार नेपाल नेतृत्वकाे नेकपा (एकीकृत समाजवादी)ले सरकारमा सहभागी हुने निर्णय गरेको छ । आइतबार बसेको एकीकृत समाजवादीको स्थायी कमिटीको बैठकले सरकारमा सहभागी हुने निर्णय गरेको हो ।
‘हामीले सरकारमा सहभागी हुने निर्णय गरेका छौं । मन्त्रालय संख्या पनि लगभग टुंगिएको छ,’ एक नेताले भने । तर कुन–कुन मन्त्रालय लिने भन्ने टुंगो लागेको छैन ।
बैठकले मन्त्रालय टुंगो लागेपछि मात्रै मन्त्री चयन गर्ने निर्णय गरेकाे छ । प्रधानमन्त्री शेरबहादुर देउवाले मन्त्रिपरिषद् विस्तारमा एकीकृत समाजवादीको निर्णय कुरेर बसेका छन् ।
