१७ भदाै, विराटनगर ।
प्रदेश १ का मुख्यमन्त्री भीमप्रसाद आचार्यले तत्काल राजीनामा नदिने बताएका छन् । उनले आफू पार्टी एकता बचाउनको लागि मुख्यमन्त्री बनेको बताउँदै राजीनामा नदिने प्रष्ट पारेका हुन् ।
एमालेबाट १० जना सांसदले बुधबार निर्वाचन कार्यालयमा पुगेर नेकपा एकीकृत समाजवादीको पक्षमा सनाखत गरेपछि मुख्यमन्त्री आचार्यले आफ्नै कार्यकक्षमा सञ्चारकर्मीहरूलाई प्रतिक्रिया दिँदै विश्वासको मत लिनुपर्ने व्यवस्थाको सम्मान गर्दै संसद ‘फेस’ गर्ने बताएका छन् ।
मुख्य मन्त्री आचार्यले भने, ‘एक महिनाभित्र विश्वासको मत लिनुपर्ने संवैधानिक प्रावधानअनुसार म विश्वासको मत लिन्छु, राजीनामा दिन्न ।’
उनले संसदमा आफूले विश्वासको मत प्राप्त गर्ने दावी गरे ।
