१८ भदौ, काठमाडौं ।
दार्चुला तुइन घटना र र नेपाली आकाशमा अनधिकृत भारतीय उडान गरेको विरोधमा नेकपा एकीकृत समाजवादीसम्वद्ध विद्यार्थीहरुले भारतीय प्रधानमन्त्री नरेन्द्र मोदीको पुत्ला जलाएका छन् ।
शुक्रबार अनेरास्ववियुका अध्यक्ष सुरेश पराजुलीको नेतृत्वमा विद्यार्थीहरुले रत्नराज्यलक्ष्मी क्याम्पस परिसरमा प्रदर्शन गर्दै मोदीको पुत्ला जनाएका हुन् । उनीहरुले जयसिंह धामीलाई न्याय दे, सीमा अतिक्रमण बन्द गर्, भारतीय विस्तारवाद मुर्दावाद जस्ता नारा लगाएका थिए ।
१५ साउनमा भारतीय सीमा सुरक्षा बल -एसएसबी)ले तुनइको तार काटिदिँदा दार्चुलाको ब्याँस गाउँपालिका– २ का जयसिंह धामी महाकाली नदीमा खसेका थिए ।
घटनाबारे छानविन गर्न बनाएको समितिले हालै बुझाएको प्रतिवेदनमा पनि एसएसबीको उपस्थितिमा घटना भएको उल्लेख छ । तर सरकारले घटनाको विरोध गर्दै भारतलाई कूटनीतिक नोट समेत पठाएकाे छैन ।
त्यस्तै भारतले महाकालीवारि नेपाली सेनाको ब्यारेकमाथि समेत अनधिकृत रूपमा तारन्तार हेलिकप्टर उडाउँदै आएकाे छ ।
