१८ भदौ, काठमाडौं ।
नेकपा एमालेका उपाध्यक्ष वामदेव गौतमले पार्टी परित्याग गरेका छन् ।
उनले एमालेको सबै पदबाट राजीनामा दिएको पत्र एमाले कार्यालय सचिव शेरबहादुर तामाङलाई बुझाएका हुन् । गाैतम एमालेबाट विभाजित भएर बनेकाे नेकपा (एकीकृत समाजवादी) मा सहभागी हुने गरी पार्टी छोडेका हुन् ।
माधवकुमार नेपालले एकीकृत समाजवादी गठन गरेलगत्तै उनले आफ्नो समर्थन रहने बताएका थिए। तर, नयाँ पार्टीले जनताको बहुदलीय जनवाद (जबज) विचार नबोक्ने भनेपछि असन्तुष्टि जनाउँदै आएका थिए ।
