१९ भदाै, काठमाडौँ ।
प्रमुख प्रतिपक्षी दल एमाले अध्यक्ष तथा पूर्वप्रधानमन्त्री केपी शर्मा ओलीले नेपालकाे चीनसँग कुनै सीमा विवाद नरहेको बताएका छन् । काठमाडौंमा शनिबार आयोजित कार्यकर्ता भेलामा सम्बाेधन गर्दै ओलीले कसलाई खुसी पार्नका लागि सरकारले अध्ययन समिति गठन गरेको हो ? भनेर प्रश्न गरेका छन् ।
उनले भने, ‘चीनसँग कुनै सीमा विवाद छँदै छैन । कसलाई खुसी पार्नका लागि चीनसँग सीमा विवाद भनेर समिति बनाउनुपर्यो ? कसलाई खुसी पार्न ?’
ओलीले थपे, ‘यो समितिले सीमा विवाद देखाओस् चुनौती दिन चाहन्छु ।’ वर्तमान सरकारले चीनसँगको सम्बन्ध तनावग्रस्त बनाउन खोजेको ओलीको आरोप छ ।
मन्त्रिपरिषद्को बैठकले चीनले हुम्लामा नेपालको भूमि मिचेको भन्दै त्यसको अध्ययन गर्न समिति गठन गर्ने निर्णय गरेको थियो । उक्त निर्णयको सत्तारुढ दलभित्रै पनि विरोध भइरहेकाे छ ।
