२५ भदौ, ओखलढुंगा ।
ओखलढुंगाको खिजिदेम्बा गाउँपालिका–५ ढाडखर्कका ६८ बर्षीय मित्र बहादुर तामाङको धारिलो हरियार खुकुरी र दाऊ प्रहार गरि हत्या भएको छ । हत्यामा संलग्न उनकै भाई ६७ बर्षीय शेर बहादुर तामाङ र शेर बहादुरका छोरा ३६ बर्षीय बिर बहादुर तामाङ रहेका छन् ।
आज दिउँसो साढे १२ बजे हत्या भएको जानकारी प्राप्त भएपश्चात ईलाका प्रहरी कार्यालय खिजिफलाटेबाट खटिएको प्रहरी टोलीले खुकुरीसहित हत्यामा संलग्न दुवै जनालाई पक्राउ गरेको जिल्ला प्रहरी कार्यालय आखलढुङ्गाले जनाएको छ । उनीहरुले अंशबण्डाको बिषयमा विवाद हुदाँ खुकुरी र दाउले मित्र बहादुरको टाउकोमा प्रहार गरेका थिए । मित्र बहादुरको घटनास्थलमानै मृत्यु भएको थियो ।
घटनामा थप अनुसन्धानको लागी जिल्ला प्रहरी कार्यालय ओखलढुंगाबाट समेत प्रहरी टोली घटनास्थल गएको छ । उक्त स्थान जिल्ला प्रहरी कार्यालय ओखलढुंगाबाट अन्दाजी ६० किमी पश्चिम उत्तर रहेको छ ।
