२७ भदौ, काठमाडौं ।
फ्रेन्च लिग वानअन्तर्गत शनिबार राति सम्पन्नन खेलमा घरेलु टोली पेरिस सेन्ट जर्मेन (पिएसजी)ले क्लेरमोन्टमाथि ४–० को जित हात पारेको छ
पिएसजीका लागि आन्द्रे हेरेराले २ तथा केलियन एमबाप्पे र इद्रिसा गुइयेले १–१ गोल गरे।
खेलको २०औं मिनेटमा हेरेराको गोलबाट पिएसजीले अग्रता बनाएको थियो।
३१औँ मिनेटमा हेरेराले नै गोल गर्दै टोलीको अग्रता दोब्बर पारे। खेलको ५५औं मिनेटमा एमबाप्पे र ६५औं मिनेटमा गुइयेको गोलसँगै पिएसजी ४–० ले विजयी बनेको हो।
पिएसजीले जारी सजिनमा लगातर ५ खेलमा जित हात पारेको छ। १५ अंकक साथ पिएसजी लिगको शीर्ष स्थानमा रहँदा समान खेलबाट ८ अंक जोडेको क्लेरमोन्ट चौथो स्थानमा छ।
