३१ भदाै, काठमाडौं।
नेकपा एमाले स्थायी कमिटी सदस्य रामबहादुर थापा बादलले मदन भण्डारी र जीवराज आश्रितको हत्या भएको बताएका छन् । एमाले काठमाडौंले आयोजना गरेको कार्यकर्ता भेलालाई सम्बोधन गर्दै बादलले मदन-आश्रितको हत्यामा नियोजित उद्देश्य समेत रहेको बताए ।
‘मदन भण्डारीको किन हत्या गरियो ?’ उनले भने, ‘यसका पछाडि राजनीतिक कारण छ । मदन भण्डारी राजतन्त्रको विरुद्ध गणतन्त्रको पक्षमा हुनुहुन्थ्यो । साम्राज्यवाद र विस्तारवादको विरुद्ध हुनुन्थ्यो ।’
दुर्घटनाका रुपमा मदन भण्डारीको हत्या गरिएको उनको भनाई थियो । बादलले जनताको बहुदलीय जनवादको समेत व्याख्या गर्दै भण्डारीको विचारले कम्युनिस्ट आन्दोलनमा नयाँ जग बसालेको बताए ।
