१० असोज, महोत्तरी ।
धनुषामा टिपरले ठक्कर दिँदा मोटरसाइकल चालकको ज्यान गएपछि स्थानीयवासीले टिपरमा आगजनी गरेका छन् ।
जनकपुरधामको पिडारी चोकमा ढल्केवर आइरहेको टिपरले ठक्कर दिँदा मोटरसाइकल चालक भारतीय नागरिक आनन्द किशोर दासको ज्यान गएको हो ।
ठक्करबाट गम्भीर घाइते भएका दासको उपचारका क्रममा केहीबेर अघि आज आइतवार बेलुका ज्यान गएको प्रहरीले जनाएको छ ।
आज दिउँसो ना ७ ख ४७४८ नम्बरको टिपरले विपरीत दिशाबाट आउँदै गरेको मोटरसाइकललाई ठक्कर दिएको थियो ।
