११ असाेज, बर्दिया ।
बर्दियाकाे गुलरिया नगरपालिका—५ सन्तोषी टोलमा रहेको वृष पशुपंक्षी तथा बाख्रापालन फार्ममा बाघकाे आक्रमणबाट २१ वटा बाख्रा मरेका छन् ।
व्यवसायी चन्द्रकान्त पौडेलको फर्ममा आइतबार राति १० बजेदेखि सोमबार बिहान ५ बजेको बीचमा खोरमा पसेर बाघले ७ खसी, ७ वटा माउ बाख्रा र ६ वटा साना पाठापाठी मारेको प्रहरी निरीक्षक गोपाल पौडेलले जानकारी दिए । पाैडेलका अनुसार २१ मध्ये ७ वटा खसी दशैंमा बेच्न ठिक्क पारिएका थिए ।
खोरमा भएकामध्ये एउटा बाख्राको पछाडि भाग खाएको र बाँकी सबैको घाँटीबाट रगत चुसेको पाइएको छ। वनका कर्मचारीहरुको रोहबरमा मृत बाख्रालाई गाड्न लागिएको पौडेलले बताए ।
