११ असोज, काठमाडौँ ।
सोलुखुम्बुको लिखुपिके–५ स्थित लिखु जलविद्युत आयोजनाको सुरुङमा काम गरिरहेको अवस्थामा माथिबाट ढिस्को झर्दा एक जना कामदारको मृत्यु भएको छ। सो घटनामा दुई जना घाईते भएका छन् ।
मृत्यु हुनेमा खोटाङका २८ बर्षीय रामकृष्ण राई रहेका छन् भने दोलखाको जिरी– २ का २१ बर्षीय जगत श्रेष्ठ र ओखलढुंगाको मोलुङ–८ का २८ बर्षीय प्रविन्द्र राई र घाईते भएका छन् ।
आज बिहान ३ बजे सुरुङमा काम गरिरहेको अवस्थामा ढिस्को ४०० मिटर तल खस्दा रामकृष्णको घटनास्थलमानै मृत्यु भएको थियो भने जगत र प्रविन्द्रको सोही ढिस्कोले पुरिएर घाईते भएका थिए ।
घाईतेहरुलाई उपचारको लागी हेलिकप्टरबाट केएमसी हस्पिटल काठमाडौँ लगिएको जिल्ला प्रहरी कार्यालय सोलुखुम्बुले जनाएको छ । घटना स्थलमा प्रहरी चौकी किन्जा र प्रहरी चौकी चौलाखर्कबाट प्रहरी टोली खटि गई थप अनुन्धान गरिरहेको छ ।
