१३ असोज, काठमाडौं ।
नेपाल क्रिकेट संघ (क्यान)का सचिव अशाेकनाथ प्याकुरेलले राजीनामा दिएका छन् ।
उनले बुधबार पत्रकार सम्मेलन गर्दै आफ्नाे पद छाडेकाे जानकारी दिए । अब नयाँ नेतृत्वलाई अवसर दिन आफूले स्थान खाली गरेको प्याकुरेलले बताए ।
प्याकुरेलले आफूले क्यानलाई आइसिसीले निलम्बन सशर्त फुकुवा भएको दिननै राजीनामा दिने योजना समेत रहेको बताए । क्यानमा आफ्नो अभियान पूरा गर्न सफल भएको हुँदा छाडेको बताएका छन् ।
दुई वर्षअघि मंसिर ११ मा चन्द नेतृत्वमा अशोकनाथ प्याकुरेल सचिव पदमा निर्वाचित भएका थिए । प्याकुरेलले सचिवका प्रत्यासी विनोद कुमार मैनालीलाई २८ भोटले हराउँदै निर्वाचित भएका थिए । प्याकुरेल निर्वाचित भएको आइतबार दुईवर्ष कार्यकाल पूरा भएको थियो । उनको दुईवर्ष कार्यकाल आलोचना हुँदै आएको छ । क्यानका प्रवक्ता समेत रहेका प्याकुरेलले अध्यक्ष चतुरबहादुर चन्द र कोषाअध्यक्ष रोशनकुमार सिंहसँगको सम्बन्ध बिग्रिएको थियो ।
