१६ असाेज, काठमाडौं।
सत्तारुढ नेकपा (माओवादी केन्द्र) को स्थायी कमिटी बैठक बस्दैछ। पार्टी केन्द्रीय कार्यालय पेरिसडाँडामा आज (शनिबार) ३ बजे बैठक बस्न लागेको हो ।
पार्टी मुख्यालय पेरिसडाँडामा बस्ने बैठकले सरकारमा सहभागी हुने मन्त्रीहरुको नाम फाईनल गरिने र सार्वजनिक गरिने एक नेताले जानकारी दिए ।
प्रधानमन्त्री शेरबहादुर देउवासँगको भेटमा अध्यक्ष पुष्पकमल दाहालले आज मन्त्रीहरुको नाम दिने बताएका थिए । माओवादीबाट अहिले जनार्दन शर्मा र पम्फा भुषाल मन्त्री छन् । अब माओवादीबाट चार जना मन्त्री बन्ने बताईएको छ ।
माओवादीबाट अहिले मन्त्री बन्नेहरुको चर्चामा देवेन्द्र पौडेल, अमनलाल मोदी, शिवकुमार मण्डल, हरिबोल गजुरेललगायतको नाम छ ।
त्यस्तै, आजको बैठकले अनेरास्ववियु (क्रान्तिकारी) को नेतृत्व पनि चयन गर्ने जनाईएको छ ।
