१८ असाेज, काठमाडौं।
पूर्व फिफा रेफ्री लव खत्रीको निधन भएको छ । खत्री सोमबार बिहान घरको बाथरुममा लडेका थिए ।
बथरुममा लडेर टाउँकोमा चोट लागेपछि नख्खुस्थित मेडिसिटी अस्पताल पुर्याएकोमा त्यहाँ उनलाई मृत घोषित गरेको अखिल नेपाल फुटबल संघ (एन्फा) मा कार्यरत सञ्जिव पाण्डेले जानकारी दिए ।
घरेलु फुटबलका चर्चित रेफ्री मध्येका ५० बर्षे खत्री पछिल्लो समय रेफ्री इन्स्ट्रकरका रुमा सक्रिय थिए । उमेर हदका कारण सन् २०१८ मा उनले फिफा रेफ्री छाड्न परेको थियो ।
उनले ए डिभिजन टोली थ्री स्टार, जावलाखेल युथ र फ्रेन्ड्स क्लबबाट फुटबल खेलेका थिए । अन्तिम श्रद्धान्जलीका लागि खत्रीको शव सातदोबाटोस्थित एन्फा कम्प्लेक्समा राखिने एन्फाले जनाएको छ । उनको आजै अन्तिम संस्कार गरिनेछ । उनकी श्रीमती र १ छोरा छन् ।
