१८ असाेज, काठमाडौं।
नेपाल–भारत सीमा सुरक्षा सम्बन्धी बैठकमा भाग लिन सशस्त्र प्रहरी महानिरीक्षक शैलेन्द्र खनालसहितको टोली दिल्ली प्रस्थान गरेको छ।
आइजीपी खनालसँगै सशस्त्रबाट चार सदस्यीय टोली साेमबार दिल्ली प्रस्थान गरेको सशस्त्र प्रहरी बलका प्रवक्ता डिआइजी राजु अर्यालले जानकारी दिए।
त्यसैगरी परराष्ट्र मन्त्रालयका र गृहमन्त्रालयबाट समेत प्रतिनिधि उक्त बैठकमा भाग लिन दिल्लीतर्फ लागेका छन्। गत वर्ष भारतमा उक्त बैठक हुने भनिए पनि कोरोना भाइरसका कारण स्थगित भएको थियो।
नेपाल र भारतका सुरक्षा अधिकारीहरुबीच मंगलबार र बुधबार छलफल हुने कार्यक्रम रहेको छ । बैठकमा भारतको सशस्त्र सीमा बल महानिर्देशक कुमार राजेश चन्द्राको नेतृत्वको टोली सहभागी हुनेछ ।
आइजीपी खनालको टोली बैठक सकेर बिहीबार नेपाल फर्कने कार्यक्रम छ।
