२० असाेज, काठमाडौँ ।
नेपालले खरिद गरेर भारतमै रोकिएको कोरोनाविरुद्धको ‘कोभिसिल्ड’ खोप अर्को साता नेपाल आईपुग्ने भएको छ ।
भारतीय राजदूतत विनय मोहन क्वात्राले बुधबार परराष्ट्रमन्त्री नारायण खड्कासँग भेटवार्ता गर्दै भारतले अर्को साता भित्रमा नेपाललाई खोप उपलब्ध गराउने जानकारी दिएका हुन् । दोस्रो लहरको कोरोना संक्रमण बढेपछि भारतले खोप निर्यातमा रोक लगाएपछि नेपालले खरिद गरेको खोप पनि पाउन सकेको थिएन ।
नेपालले भारतसँग २०७७ फागुनमा २० लाख डोज खोप खरिद गरेकोमा १० लाख भने त्यही महिना नेपाल आइपुगेको थियो । बाँकी १० लाख रोकिएको थियो ।
भेटवार्तामा मन्त्री खड्का र राजदूत क्वात्रा बीचमा द्धिपक्षीय महत्वपूर्ण विषयमा कुराकानी भएको काठमाडौंस्थित भारतीय राजदूतावासले जनाएको छ ।
