२१ असाेज, काठमाडौं ।
प्रदेश सभाबाट विश्वासकाे मत पाएपछि प्रदेश २ का मुख्यमन्त्री लालबाबु राउतले जानकी मन्दिर पुगेर महन्थसँग आर्शिवाद लिएका छन् । बुधबार प्रदेशसभामा उपस्थित एक सय सांसदमध्ये ७७ जनाले मुख्यमन्त्री राउतको पक्षमा मत दिएका थिए ।
राउतले महन्थ श्री बाबा राम तपेश्वर दासलाई भेटेर खुट्टामा ढोग गर्दै आर्शिवाद लिएका हुन् । ‘प्रदेशसभामा दुई तिहाई भन्दा बढी आपार मत प्राप्त गरेपछि मुख्यमन्त्री लालबाबु राउतज्यू जानकी मन्दिर पुगी महन्थ श्री बाबा राम तपेश्वर दाससँग आर्शिवाद लिनुभयो’, मुख्यमन्त्रीकाे सञ्चार सचिवालयले भनेको छ ।
