२२ असाेज, काठमाडौँ ।
नेकपा एकीकृत समाजवादी पार्टीका नेता विरोध खतिवडा वर्तमान सरकारकाे स्वास्थ्यमन्त्री बनेका छन् । प्रधानमन्त्री शेरबहादुर देउवाले शुुक्रबार मन्त्रिपरिषद् विस्तार गर्दा उनी स्वास्थ्यमन्त्री बनेका हुन् ।
यसअघि एमालेमा रहेका खतिवडा चौथो पटक सांसदमा प्रत्यक्ष निर्वाचित भए पनि पहिलो पटक मन्त्री बन्ने अवसर पाएका हुन् । संसदीय राजनीतिको माहिर खेलाडीको रुपमा हेरिने खतिवडा प्रजातन्त्र पुनर्स्थापनापछि भएका २०४८, २०५१, २०५६ को आमनिर्वाचन जितेका थिए । संविधानसभाको दुवै निर्वाचनमा भने उनलाई पार्टीले उम्मेदवार बनाएन ।
२०७४ सालमा भएको प्रतिनिधिसभाका खतिवडाले मकवानपुर २ बाट निर्वाचित भएका हुन् । २०१७ सालमा मकवानपुरमा जन्मिएका खतिवडाले पञ्चायतकालमा राष्ट्रिय पञ्चायतमा जनपक्षीय उम्मेदवारको रुपमा प्रतिस्पर्धा गरेका थिए ।
वाककला नेताको रुपमा रहेका खतिवडा आफ्नो धारणा स्पष्टसँग राख्न सक्ने नेताहरुको चिनिन्छन् । खतिवडा नेकपा (एमाले)को नवौं राष्ट्रिय महाधिवेशनबाट केन्द्रीय सदस्यमा निर्वाचित भएका थिए । एमाले विभाजित भएसँगै उनी नेकपा (एकीकृत समाजवादी)तर्फ लागेका छन् । उनी सो पार्टीको स्थायी कमिटीका सदस्य हुन्
। उनकी पत्नि मुनु सिग्देल नेकपा (एकीकृत समाजवादी)का केन्द्रीय सदस्य र वाग्मती प्रदेशसभाकी सांसद हुन् ।
