२ कात्तिक, धनकुटा ।
विगत दुई दिनदेखिको अविरल वर्षासँगै आएको बाढीले सडक बगाउँदा धरान–धनकुटा सडक खण्ड अवरुद्ध भएको छ ।
साँगुरीगढी गाउँपालिका ६ घण्टेमा मंगलबार अपरान्ह ४ बजे लेउती खोलाले करिब २ सय मिटर सडक बगाएको प्रहरीले जनाएको छ । पक्की सडक बगाएपछि यातायात अवरुद्ध भएको जिल्ला प्रहरी प्रमुख एसपी नकुल पोखरेलले जानकारी दिए ।
सडक अवरुद्ध भएपछि पहाडी क्षेत्रबाट धरान आउदै गरेका र धरानबाट पहाडी जिल्लातर्फ जादै गरेका सवारी रोकिएका छन् । वर्षा जारी रहेकाले सडक तत्काल खुल्न सक्ने अवस्था नभएको प्रहरीले जनाएको छ ।
