६ कात्तिक, काठमाडौँ ।
नेकपा (एमाले)को देशभरका वडा कमिटीको अधिवेशन शनिबार एकसाथ उद्घाटन गरिएकाे छ । थापाथलीस्थित केन्द्रीय कार्यालयबाट भर्चुअल माध्यमबाट अध्यक्ष केपी शर्मा ओलीले वडा कमिटी अधिवेशन उद्घाटन गरेका हुन् ।
शनिबार १२ बजे अध्यक्ष ओलीले वडा कमिटीको अधिवेशन उद्घाटन भएको घोषणा गरेका हुन् । उनले ऐतिहासिक रूपमा पहिलो पटक एकै ठाउँबाट देशभरका वडा कमिटीको अधिवेशन उद्घाटन भएको बताए ।
उनले पार्टीका वडा कमिटी सर्वसम्मतिले सम्पन्न हुने विश्वास लिएको बताएका छन् । उनले भने, ‘वडा अधिवेशन सर्वसम्मतिका साथ सम्पन्न हुनेछन् भन्ने विश्वास लिएको छु । तपाईंहरूको उन्नत स्तरको समझदारी दुनियाँका लागि नै अनुशरणीय हुन सकोस् ।’
उनले बाढी, पहिरो र डुबान प्रभावित क्षेत्रमा पनि निकट भविष्यमा वडा अधिवेशन सम्पन्न गर्न भनेका छन् ।
