६ कात्तिक, काठमाडाैँ ।
सुर्खेतको वीरेन्द्रनगरमा बम विस्फाेट भएको छ ।वीरेन्द्रनगर नगरपालिका-७, स्थित कट्कुवा सामुदायिक वनमा भएकाे विस्फोटमा परी दुई जना घाइते भएका छन् । शनिबार बिहान पौने ११ बजे बम विस्फोट भएको जनाइएकाे छ ।
विस्फोटमा परी घाँस काट्न गएका दुई जना घाइते भएका हुन् । घाइते हुनेमा दैलेखको गुराँस गाउँपालिका-६ की २१ वर्षीया लिला नेपाली र उनका भाइ १४ वर्षका नरेश परियार रहेको जिल्ला प्रहरी कार्यालय सुर्खेतका प्रवक्ता एवंम् डीएसपी रामप्रसाद घर्तीले जानकारी दिए । बम कस्ले राख्यो, कसरी बिस्पोट भयो भन्ने बारे अनुसन्धान भइरहेको डीएसपी घर्तीले बताए ।
घाइतेहरुको स्थानीय देउती अस्पताल सुर्खेतमा उपचार भैरहेको छ । घाइते मध्ये एकजनाको अवस्था चिन्ताजनक रहेको अस्पतालले जनाएको छ ।
