८ कात्तिक, पाँचथर ।
पाँचथरमा बस दुर्घटना हुँदा दुई जनाको मृत्यु भएको छ भने ६२ जना घाइते भएका छन् ।
फिदिम–यासोक सडक खण्ड अन्तर्गत सिवा खोलाबाट फिदिम आउँदै गरेको को १ ख ३८६५ नम्बर को बस साेमबार करिब साढे ११ बजेको समयमा सरखण्डेमा दुर्घटना भएको हो ।
दुर्घटनामा घाइते भएका मध्ये केहीको अवस्था गम्भीर रहेको जनाइएकाे छ। घाइतेहरूको पाँचथर अस्पताल, पाथीभरा अस्पताल र समर्पित अस्पतालमा उपचार भइरहेको छ भने गम्भीर घाइतेहरूलाई झापातर्फ रेफर गर्ने तयारी भइरहेको जिल्ला प्रहरी कार्यालय पाँचथरका सूचना अधिकार डम्बर विश्वकर्माले बताए र
दुर्घटनाको विस्तृत विवरण आउन बाँकी छ ।
