९ कात्तिक, खोटाङ ।
खोटाङ दिक्तेल रुपाकोट मझुवागढी नगरपालिका-१, हस्पिटल चौकस्थित हरी जोशीको घरबाट तास र नगदसहित ५ जना जुवाडे पक्राउ परेका छन् । पक्राउ पर्नेमा खोटाङ साकेला गाउँपालिका- ५ का २७ बर्षीय हिराधन राई, साेही गाउँपालिका-२ का २२ बर्षीय सौरब गुरुङ, दिक्तेल रुपाकोट मझुवागढी नगरपालिका-६ का ३३ बर्षीय बसन्त राई, साेही नगरपालिका- ७ का ३८ बर्षीय टिकाराम राई र उदयपुरकाे कटारी नगरपालिका-११ का २४ बर्षीय खोम बहादुर मगर रहेका छन् ।
आज बिहानको राती १ बजे जिल्ला प्रहरी कार्यालय खोटाङबाट खटिएको प्रहरी टोलीले उनीहरुलाई तास खेलिरहेको अबस्थामा १ बुङ तास, नगद ७१ हजार २० रुपैँयासहित पक्राउ गरिएको प्रहरीले जनाएकाे छ । पक्राउ परेका पाँचै जनालाई कानुन बमाेजिम कारवाही तथा अनुसन्धान भईरहेको जिल्ला प्रहरी कार्यालय खोटाङले जनाएको छ ।
