१३ कात्तिक, काठमाडाैँ ।
नेकपा एमालेका अध्यक्ष केपी शर्मा ओलीले आफू प्रधानमन्त्री हुँदा बालुवाटारमा करोडौंको भाडाकुडा किन्यो भनेर माओवादी केन्द्रका अध्यक्ष पुष्पकमल दाहालले दिएको अभिव्यक्तिको खण्डन गरेका छन् ।
नेकपा एमाले सिन्धुपाल्चोक–काठमाडौं सम्पर्क मञ्चले शनिबार काठमाडौंमा आयोजा गरेको एक कार्यक्रममा बोल्दै उनले त्यसकाे खण्डन गरकेा हुन् । नयाँ नयाँ कथा हाल्ने नेताको रुपमा दाहाल रहेको उल्लेख गर्दै उनले प्रधानमन्त्री हुँदा करोडौको भाडाकुडा किनेको भन्ने कुरा सत्य नभएको बताए । बरु आफूले घरबाटै लगेको भाडामा खानेकुरा बनाएर खाएको उनको स्पष्टिकरण थियो ।
अध्यक्ष ओलीले भने, ‘प्रचण्डले हाल्ने गर्छन नि कथा । प्रचण्डले चितवन गएर के भनेछन भने–मलाई डेढ लाखको खाटमा सुत्यो भनेर कुरा गर्ने केपी ओलीले भान्सको भाडाकुडा मात्रै करोडौंको किनेको रहेछ भनेर । मेरो भान्सामा त भाडाकुडा पनि आफ्नै हुन्थे । के को किन्नु सरकार बेकार । मलाई केही चाहिएको छैन । अव त्यहाँ प्रधानमन्त्रीको निवासमा सेना बस्छ । सेनाले खानु प¥यो होला । सेनालाई खाना पकाउनु प¥यो होला । त्यहाँ ग्याँस खर्च भयो होला । अनि करोडौंको भाडाकुडा चाँही के गर्नु ?’
