१६ कात्तिक, काठमाडौं ।
भरतपुर महानगरकी मेयर रेनु दाहालले एमाले अध्यक्ष केपी शर्मा अोलीलाई ठूला कुरा नगर्न सुझाएकी छिन् । मंगलबार सामाजिक सञ्जाल फेसबुकमा ओली सम्बन्धी एक समाचार शेयर गर्दै उनले माओवादीकै सहयोगमा दुई/दुई पटक प्रधानमन्त्री बनेकोले धेरै फुर्ति नलगाएको राम्रो हुने बताएकी छिन् ।
उनले विगतमा ओलीको लागि उनकै क्षेत्रमा माओवादी केन्द्रका अध्यक्ष पुष्पकमल दाहाल प्रचण्ड भोट माग्न हिँडेको स्मरण गर्दै उनले लेखेकी छिन्, ‘ओलीलाई भोट माग्न ओलीको क्षेत्रमा ओलीसहित अध्यक्ष क. प्रचण्ड झापा जाँदा घरमा आमा मात्र त्यहि पनि पार्किन्सनको बिरामी भाईको मध्यरातमा अचानक स्वास्थ्यमा समस्या आई दुखद् घटना घट्यो । घरमा परिवारका सदस्य कोहि पनि नभएको बेला सबै आआफ्नो चुनावी मैदानमा बिरामी आमा मात्र । घरमा अकालमा उपचार पनि नपाई, के थाहा समयमै अस्पताल लैजान पाएको भए भाइको ज्यान जोगिन पनि सक्थ्यो।’
दाहालले माओवादीको सहयोगमा मात्र अोली प्रधानमन्त्री बनेको बताउँदै आफूहरुले साथ छोड्दा सरकार गल्र्यामगुर्लुम ढलेको जिकिर गरेकी छिन् । उनले भनेकी छन् ।
‘माओवादीसँगको सहकार्यले मात्र ओली प्रधानमन्त्री बनेको, झन्डै दुई तिहाईको सरकार के ओली एक्लैले ल्याएको हो ? हो भने हामीले साथ छोडिदिँदा त सबै गर्ल्यामगुर्लुम ढल्यो त। धेरै नै फुर्ती लाउनेले अब बनाएर देखाए भो त। इतिहासमा दुई पटक प्रधानमन्त्री माओवादी कै सहयोगमा भएकाले ठूला कुरा नगरेकै बेस होला।’
