२२ कार्तिक, काठमाडौं ।
भारतको छत्तीसगढमा एक जवानले चलाएको गोली लागि चार जनाको मृत्यु भएको छ।
छत्तीसगढको सुकमा जिल्लामा एक सीआरपीएफ क्याम्पमा एक जवानले गोली चलाउँदा अन्य चार जवाको मृत्यु भएको छ भने तीन जना घाइते भएका छन्।
समाचार एजेन्सी एएनआईका अनुसार यो क्याम्प मरईगुडा प्रहरी स्टेसनमा पर्छ जहाँ एक जवानले क्याम्पमा गोली चलाएका थिए।
जवानले गोली चलाउनुको कारण बारे थाहा हुन नसकेको र घटनाबारे थप अनुसन्धान भइरहेको प्रहरीले जनाएको छ।
