एजेन्सी,साउन २१
इन्डोनेसियामा शक्तिशाली भूकम्प गएको छ । इन्डोनेसियाको लोमबोक टापु केन्द्रविन्दु भएर आजबिहान ७ रेक्टर स्केलको भूकम्प गएको हो ।
भूकम्पमा परी अहिलेसम्म ९१ जनाको मृत्यु भएको बीबीसीले जनाएको छ । सयौं घाइते भएका छन् । भूकम्पले हजारौं भवनमा क्षती पुगेको छ भने थुप्रै स्थानमा बिजुली आपूर्ती पनि बन्द भएको छ । धेरै भवन तथा घरहरु भत्किएका छन् ।
भूकम्पपछि १३० पटक पराकम्पन भएको छ । यसअघि गएको १३ गते पनि यहि क्षेत्रमा भूकम्प जाँदा १६ जनाको ज्यान गएको थियो । इन्डोनेशियाको प्रकोप व्यवस्थापन एजेन्सीका प्रवक्ताले लोमबोकका मुख्य शहर मताराममा पनि केही घरहरु भत्किएको जानकारी दिएका छन् ।
