२५ कात्तिक, काठमाडौँ।
नेकपा (माओवादी केन्द्र)का अध्यक्ष पुष्पकमल दाहल प्रचण्डले डोल्पा पुगेर माओवादी फेरि पहिलो पार्टी बन्ने बताएका छन् । बिहीबार डोल्पा सदरमुकाम दुनैमा कार्यकर्ता भेटघाटमा उनले अब थोरै मिहेनत गरे आउने निर्वाचनमा पहिलो पार्टी हुनेमा ढुक्क हुन भन्दै जनता सम्म पुग्न कार्यकर्तालाइ निर्देशन दिए ।
शान्ती प्रक्रियामा आए लगत्तै माओबादी पहिलो दल भएको भन्दै उनले अब आउने निर्वाचनमा गठबन्धन कै सरकारले निर्वाचनमा समेत गठबन्धन गरेर ओली प्रवृतिलाई हराउने बताए ।
उपल्लो डोल्पा पुगेका अध्यक्ष प्रचण्डले डोल्पामा विकास अपरिहार्य रहेको र त्यो कुरा माओवादीले मात्रै बुझेको बताउँदै जिल्लामा माओबादी पार्टी बलियो बनाउन समेत आग्रह गरेका थिए ।
