३ मंसिर, काठमाडाैँ ।
कर्णाली प्रदेशका मुख्यमन्त्री जीवनबहादुर शाहीले विश्वासको मत लिने भएका छन् । यसका लागि मङ्सिर १४ गते प्रदेशसभाको बैठक आव्हान गरिएको छ। प्रदेश प्रमुख तिलक परियारले मङ्सिर १४ गते मङ्गलबार दिउँसो १ बजेका लागि प्रदेशसभाको बैठक आव्हान गरेका छन् ।
मुख्यमन्त्री शाहीले मुख्यमन्त्रीमा नियुक्त भएको २८ दिनपछि विश्वासको मत लिन लागेका हुन्। मुख्यमन्त्रीमा नियुक्त भएको ३० दिन भित्र विश्वासको मत लिइ सक्नुपर्ने संवैधानिक व्यवस्था रहेको छ । कात्तिक १६ गते शाही मुख्यमन्त्रीमा नियुक्त भएका थिए ।
तीनदलीय गठबन्धनमा बनेको सरकारमा मुख्यमन्त्री शाहीलाई नेकपा माओवादी र नेकपा (एकीकृत समाजवादी) को समर्थन छ । ३५ जना प्रदेशभसा सदस्य रहेको कर्णाली प्रदेशसभामा माओवादी केन्द्रका १२, नेपाली काँग्रेसका छ र समाजवादीका तीन जना प्रदेश सभा सदस्य छन् । प्रमुख प्रतिपक्ष दल एमालेका १३ र राप्रपाका एक जना प्रदेशसभा सदस्य छन् ।
