३ मंसिर, वीरगंज ।
रौतहटको कटहरिया बजारमा हावा भर्ने टयांकी विष्फोट हुँदा १ जनाको मृत्यु भएको छ भने १ जना घाइते भएका छन् ।
हावा भर्ने टयांकी विष्फोट हुँदा टाउकोमा चोट लागि गम्भीर घाइते भएका ग्यारेजका सञ्चालक २० वर्षीय समसुल मियांलाई उपचारका लागि वीरगंज ल्याउने क्रममा बीच बाटोमै मृत्यु भएको प्रहरीले जनाएको छ ।
त्यस्तै घाइते भएका समसुलका साथी २५ वर्षीय जैसी यादवकाे स्थानीय अस्पतालमा उपचार भइरहेको इलाका प्रहरी कार्यालय कटहरियाले जनाएको छ ।
यादवको हातमा चोट लागेको छ । हावा भर्ने क्रममा टयांकी विष्फोट हुँदा नजिकै रहेको विद्युतको तार समेत चुँडिएको थियो । घटनाका बारेमा थप अनुसन्धान भइरहेको इलाका प्रहरी कार्यालय कटहरियाले जनाएको छ ।
