३ मंसिर, काठमाडौं ।
प्रधानन्यायाधीश चोलेन्द्रशम्सेर जबराले वार्ताकाे प्रस्ताव गर्दै नेपाल बार एशोसिएसनका अध्यक्ष चण्डेश्वर श्रेष्ठलाई पत्र पठाएर वार्ताको आह्वान गरेका छन् ।
बारको सल्लाहकार समितिको बैठक शुरु हुनलाग्दा श्रेष्ठलाई सर्वोच्च अदालतबाट प्रधानन्यायाधीशकाे पत्र प्राप्त भएको हो । बार अध्यक्ष श्रेष्ठले बैठकमा आफूलाई आएको पत्रको व्यहोरा पढेर सुनाएका थिए ।
बारका एक पदाधिकारीका अनुसार, पत्रमा प्रधानन्यायाधीश जबराले आफू छलफल र संवादबाट अहिलेको समस्या समाधानका लागि तयार भएको भन्दै जुनसुकै बेला वार्ता गर्न प्रस्ताव गरेका छन् ।
प्रधानन्यायाधीश जबराले आफूले न्यायपालिकाको सुधार र सुदृढिकरणका लागि जस्तोसुकै सहयोग गर्न तयार रहेको बताएका छन् ।
