४ मंसिर, सल्यान ।
नेपाली काँग्रेसको १४औँ महाधिवेशन अन्तर्गत सल्यानका दुई प्रदेश निर्वाचन क्षेत्रको सभापतिमा रामचन्द्र पौडेलको प्यानल विजयी भएको छ ।
प्रदेश (क) मा देउवा प्यानलका गोरखबहादुर खत्रीलाई ११ मतले पराजित गर्दै सुरेश चन्द सहितको पुरै प्यानल निर्वाचित भएको छ । यस्तै प्रदेश (ख) मा विर बहादुर सेजवाललाई ४२ मतले पछि पार्दै सुरेश अधिकारी निर्वाचित भएका हुन् ।
प्रदेश(क) मा सुरेश चन्दले ३ सय १४ मत प्राप्त गर्दा उहाँका निकटतम प्रतिस्पर्धी गोरख बहादुर खत्रीले ३ सय ३ मत प्राप्त गरे । उपसभापतिमा जीवराज बोहराले २ सय ९० र यज्ञ बहादुर खड्काले ३ सय १७ मत ल्याएर विजयी भएका छन् भने प्रतिस्पर्धी भूपाल शाहुले २ सय ४९ र भूपाल शाहुले २ सय ४९ र मान बहादुर वलीले २ सय ८५ मत प्राप्त गरेका छन् ।
सचिवमा चमन बुढाथोकीले ३ सय २५ र प्रेम नारायण वि.कले ३ सय २१ मत ल्याएर विजयी भएका छन् । सहसचिवमा धनराज केसी र तेज बहादुर रावतले समान २ सय ७६ मत प्राप्त गरेका छन् भने अर्को सहसचिवमा लोक बहादुर शाहीले २ सय ८५ मत ल्याएर विजयी भएका छन् ।
प्रदेश (ख) को निर्वाचनमा जम्मा ५ सय ९९ मत खसेको मध्ये सभापति सुरेश अधिकारी ३१२, उपसभापति गिरिराज ओली ३ सय १५, ऋषिराम खत्री २ सय ६९, सचिव अनिल सिह २ सय ८१, श्याम कृष्ण महातरा २ सय९५, सह सचिव प्रीयबत्र श्रेष्ठ ३ सय १, होमसिङ बोहरा २ सय ९८ मत ल्याएर विजयी भएका छन् ।
प्रतिस्पर्धी टिमका सभापति वीर बहादुर सेजवाल २ सय ७०, उपसभापति पेशल सिङ डाँगी २ सय १४, पूर्ण बहादुर भण्डारी २ सय ४७, सचिव शोभाकर राणा २ सय ४८, मेघ राज भण्डारी २ सय ६२, सह सचिव ढाक बहादुर चन्द २ सय ४० र रोहित देवकोटाले २ सय ३१ मत प्राप्त गरे ।
