६ मंसिर, काठमाडौं ।
कांग्रेस सभापतिका उम्मेदवार दाबी गरिरहेका नेता प्रकाशमान सिंहको परिवारबाट श्रीमती र छोरा महाधिवेशन प्रतिनिधि बनेका छन् । श्रीमती सिर्जना सिंह र छोरा प्रभासमान सिंह सोमवार काठमाडौं क्षेत्र नम्बर ७ बाट महाधिवेशन प्रतिनिधिमा निर्विरोध निर्वाचित भएका हुन् ।
सिंह स्वतः प्रतिनिधि बन्नेछन् । सिंह क्षेत्र नम्बर १ बाट सांसद जितिरहे पनि उनको घर चाक्सीबारी भने काठमाडौं क्षेत्र नम्बर ७ मा पर्छ । सिर्जना र प्रभास सोही क्षेत्रबाट प्रतिनिधि आएका हुन् । काठमाडौं ७ बाट अन्य ६ जना महाधिवेशन प्रतिनिधि पनि निर्विरोध निर्वाचित भएका छन् ।
