२५ मंसिर, काठमाडौँ ।
कांग्रेस महामन्त्री शशांक कोइरालाले प्रधानमन्त्री तथा सभापति शेरबहादुर देउवाले गरेको उपसभापति पदको प्रस्ताव अस्वीकार गरेका छन् । गठबन्धन बनाउने प्रयास स्वरुप सभापति देउवाले शशांकलाई उपसभापतिकाे प्रस्ताव गरेका थिए ।
उपसभापतिको प्रस्तावसहित सभापति देउवाले आफ्नो टिममा आउन गरेको आग्रहलाई महामन्त्री शशांकले अस्वीकार गरेको उनका सहयोगी भरत तिवारीले जानकारी दिए ।
महामन्त्री शशांकले केन्द्रीय सदस्यमा उम्मेदवारी दिने तयारी गरेका छन् । यसअघि सभापतिका आकांक्षी रहेका शशांकले सहमतिका लागि भन्दै आफ्नो दाबी छाडेका थिए ।
