४ पुस, एजेन्सी ।
गत नोभेम्बर दोस्रो साता ग्रिसमा गाडी दुर्घटनामा परी मृत्यु भएका चार नेपालीमध्ये एक जनाको परिचय खुलेको छ।
त्यहाँस्थित नेपाली राजदूतावासका अनुसार मृतक ४ मध्ये एक जना कैलालीको गौरीगंगा नगरपालिका–४ घर भएका ३७ वर्षीय लक्ष्मण सापकोटा हुन्। बाँकी ३ जनाको अझै पहिचान खुल्न सकेको छैन। उनीहरू गैरकानुनी रूपमा टर्कीबाट ग्रिस प्रवेश गर्ने क्रममा गाडी दुर्घटनामा परेका थिए।
चिनिन बाँकी तीन मृतकको तस्बिर इन्टरपोलमा राखेर सार्वजनिक गरिएको दूतावासले जनाएको छ।
