५ पौष, विराटनगर । स्थापनाकालदेखि सामाजिक सेवामा सक्रिय रहँदै आएको विराटनगर सेन्ट्रल राउन्ड टेबल १५ ले चिसो बढेसँगै विपन्न वर्गका ब्यक्तिहरुकालागि न्यायो कपडा वितरण गरेको छ ।
राउन्ड टेबलले सहयोगापेक्षित व्यक्तिहरुलाई लक्षित गरी एक कार्यक्रममको आयोजना गरी न्यायो लत्ताकपडा वितरण गरेको हो । शनिवार सप्तकोशी सिमेन्ट उद्योगको प्राङ्गणमा ‘विन्टर च्यारिटी ड्राईभ’ कार्यक्रमको आयोजना गरी कपडा आवश्यक परेका मानिसहरुलाई न्यायो कपडा वितरण गरेको कार्यक्रम संयोजक टेब्लर आशिस गोयलले जानकारी दिए ।
कार्यक्रममा उपस्थित सहयोगापेक्षित व्यक्तिहरुले जाडोका कपडाहरु आवश्यक्ता अनुसार लिएको र केहीले सहयोगका लागि आभार पनि व्यक्त गरेको गोयलले बताए । हरेक हप्ता यस्ता समाज सेवाका कार्यक्रमहरुलाई निरन्तरता दिने विराटनगर सेन्ट्रल राउन्ड टेबल १५ले जनाएको छ ।
