१२ पुस, काठमाडौं ।
पिज्जाको इतिहास हेर्ने हो भने यो इटलीबाट विकसित परिकार हो, जुन विश्वभर रुचाइने परिकार भित्र पर्दछ ।
पिज्जा नेपालमा पनि मःम, चाउमिनपछि बढी खाइने परिकारका रूपमा विकसित हुँदैछ । यसको स्वादका कारण नै हरेक उमेर समूहको रुचिकर बनेको पिज्जालाई स्वस्थकर परिकारका रुपमा लिइन्छ ।
नेपालमा पिज्जा खान रुचाउने तथा यसका पारखीहरु बढ्दै जाँदा स्वादिष्ट पिज्जा पस्केर पारखीहरुलाई आनन्दित र सन्तुष्ट पार्नका लागि काठमाडौंका युवाहरुले नयाँ प्रयास सुरु गरेका छन् ।
पिज्जा त्यो पनि इटालियन स्वादमा संगै पास्ता र अन्य परिकारहरु एकैसाथ पस्कनका लागि भक्तपुर सृजनानगरमा पापीलन पिज्जेरिया संचालनमा आउने भएको छ । युवा गायक दिपेश भट्टराई तथा अन्य ४ जना युवाहरुले यो व्यवसाय संचालनमा ल्याउन लागेका हुन् ।
पाँच वर्ष अष्ट्रेलिया बसेर फर्किएका युवाहरुले नेपालमै केही गर्ने सोचले यो व्यवसाय सुरु गरेको बताएका छन् । बढ्दो बेरोजगारी र उच्च शिक्षा हासिल गर्ने लगायतका कारण नेपाली युवाहरु विदेशिरहेको समयमा विदेशमा सिकेको ज्ञान सिप र अनुभवलाई स्वदेशमा व्यवहारमा उतार्नसकिन्छ भन्ने उद्धेश्यले पिज्जेरिया संचालनमा ल्याउन लागिएको संचालक मध्येका एक भट्टराईले जानकारी दिए ।
रेष्टुरेन्टको उद्घाटन अंग्रेजी नयाँ वर्ष जनवरी १ मा हुने उनले बताए । एक हप्तासम्म चल्ने उद्घाटन समारोहमा राष्ट्रियस्तरका चर्चित गायकहरु प्रमुख आकर्षका रुपमा रहने बताइएको छ ।
शान्त र सफा वातावरणमा लाइभ म्युजिकका साथ संचालन हुने रेष्टुरेन्टले नेपालमा पिज्जाको नयाँ कल्चर अगाडी बढाउने तथा सवैको मन जित्नेमा संचालकहरु आशावादी देखिएका छन् ।
