१३ पुस, विराटनगर ।
प्रथम दक्षिण एसियाली महिला भलिबल च्याम्पियनसिप नेपालमा आयोजना हुने भएको छ।
सन् २०२२ मा आयोजना हुने उक्त च्याम्पियनसिप नेपाललाई आयोजना गर्न दिइने निर्णय भएको नेपाल भलिबल संघले जनाएको छ। तर, च्याम्पियनसिपको मिति भने तोकिएको छैन । संघका अनुसार च्याम्पियनसिप सन् २०२२ भित्रै हुनेछ ।
नेपालले यसअघि सन् २०१९ मा पाँचौ संस्करणको एभिसी एसियन सिनियर पुरुष भलिबल च्याम्पियनसिप र काभाको साधरणसभाको सफलतापुर्वक आयोजना गरेको थियो ।
नेपाली राष्ट्रिय महिला भलिबल टोली बंगलादेशको ढाकामा जारी एसियन सेन्ट्रल च्यालेन्ज कपको फाइनलमा पुगेको छ। अपराजित रहँदै फाइनलमा पुगेको नेपालले उपाधिका लागि उज्वेकिस्तानसँग प्रतिस्पर्धा गर्ने छ।
