१३ पुस, रौतहट ।
रौतहटको गरुडा नगरपालिका १ स्थित जयनगर सडक खण्डमा भारतीय सवारी दुर्घटना हुँदा ४ जनाको मृत्यु भएको छ ।
तीन जना घाइते भएका छन् । मृतकको सनाखत हुन सकेको छैन । गौरबाट गरुडातर्फ आउँदै गरेको बिआर०५ पिए ६९५३ को भारतीय नम्बर प्लेटको स्करपियो मंगलबार दिउँसो सवा ४ बजे सडकबाट झण्डै २० फिट तल खस्दा ४ जनाको मृत्यु भएको जिल्ला प्रहरीका डिएसपी सुनील मल्लले जानकारी दिए ।
उनका अनुसार दुर्घटनामा घाइते भएका चारै जनाको उपचारको क्रममा मृत्यु भएको हो । मृतक सबै भारतीय नागरिक हुन सक्ने प्रहरीको अनुमान छ । पिकअप अनियन्त्रित भई सडकबाट तल खसेको प्रहरीले जनायो । प्रहरीका अनुसार घाइते ३ जनाको स्थानीय अस्पतालमा उपचार भइरहेको छ ।
