२० पुस, विराटनगर ।
चीनमा उपचाररत पूर्वमन्त्रीसमेत रहेका नेकपा माओवादी केन्द्रका नेता वर्षमान पुन ‘अनन्त’ आज अस्तालबाट डिस्चार्ज हुने भएका छन्।
चीनको थर्ड पिपुल्स हस्पिटल अफ सेनजेनमा उपचार गराइरहेका नेता पुन स्थानीय समयानुसार आज दिउँसो २ बजे डिस्चार्ज हुने भएका हुन्। तर उनी चार दिनपछि मात्र स्वदेश आइपुग्नेछन्।
उनको सचिवालयका अनुसार डिस्चार्ज भए पनि दुई दिन उनी त्यही अस्पतालमा आराम गर्नेछन्। त्यसपछि मात्रै स्वदेश प्रस्थान गर्नेछन्। योसँगै थाइल्यान्ड र चीनमा गरी ९८ दिन लामो उपचारपछि उनी अस्पतालबाट बिदा हुन लागेका हुन्।
उनी नेपालमा नभएकै कारण नेकपा माओवादी केन्द्रको अध्यक्षबाहेकका पदाधिकारी छनोटको निर्णयसमेत रोकिएको छ।
