१२ फागुन, काठमाडौँ । प्रतिनिधि सभामा छलफलका लागि एमसिसीबारे छलफल हुने दिन अर्थमन्त्री जनार्दन शर्मा पर्वतमा छन् ।
उद्योग वाणिज्य संघ पर्वतको साधारण सभा उद्घाटनको लागि उनी त्यहाँ पुगेका हुन्।
पर्वतबाट आजै फर्किने कार्यक्रम रहेको शर्माका स्वकीय सचिव नविन पोखरेलले बताए।
‘अहिले कार्यक्रम सुरू हुँदैछ। यो कार्यक्रम सकिएपछि हामी सिधै पोखरा गएर काठमाडौं आउँछौं,’ उनले भने, ‘संसद बैठकमा सहभागी हुने भन्ने छ। तर समय भ्याइन्छ कि भ्याइन्न।’
शर्मा पर्वको स्काइक्याफेमा रमाइरहेको तस्बिर तथा भिडिओ पनि सामाजिक सञ्जालमा सार्वजनिक भएका छन्।
आइतबार प्रतिनिधि सभा बैठकमा एमसिसी टेबल हुँदा पनि अर्थमन्त्री शर्मा उपस्थित थिएनन्। उनी बिरामी भएको भन्दै संसदमा उपस्थित भएका थिएनन्।
उनको अनुपस्थितमा सञ्चार तथा सूचना प्रविधि मन्त्री ज्ञानेन्द्र कार्कीले एमसिसी टेबल गरेका थिए।
