२९ चैत, एजेन्सी । इन्डियन प्रिमियर लिग आईपीएल क्रिकेटमा आज चेन्नई सुपर किङ्ग्स र रोयल च्यालेञ्जर्स बेङ्ग्लोर खेल्दैछन् ।
मुम्बईमा खेल बेलुका पौने आठ बजे सुरु हुनेछ । साविक विजेता चेन्नईले यसअघिका चार खेलमा जित निकाल्न सकेको छैन ।
अङ्कविहीन चेन्नई तालिकाको पुछारमा छ । बेङ्ग्लोर ४ खेलमा तीनमा जितसहित ६ अङ्कका साथ तालिकाको तेस्रो स्थानमा छ ।
आजको खेलमा चेन्नईलाई हराएमा बेङ्ग्लोर शीर्ष स्थानमा उक्लनेछ । हिजो भएको खेलमा नवप्रवेशी गुजरात टाइटन्सले पहिलो हार ब्यहोरेको छ । गुजरात सनराइजर्स हैदराबादसँग ८ विकेटले पराजित भएको हो ।
यसपालिको आईपीएल क्रिकेटमा दश टोली छन् ।
