१० माघ, एजेन्सी ।
विश्वका कयौं ठूला कम्पनीहरुमा कर्मचारी कटौतीको क्रम जारी रहेको छ । अब यही क्रममा आर्थिक संकटसंग जुधिरहेको पाकिस्तान पनि आउने भएको छ । मिडिया रिपोर्टहरुमा अनुमान गरिएअनुसार यसै वर्षको अन्त्यसम्म पाकिस्तानमा लाखौं मानिसहरुले जागिरबाट हात धुनु पर्ने स्थिति आउनसक्छ ।
पाकिस्तान सरकार अहिले इन्टरनेशनल मनिटरी फण्ड अर्थात आइएमएफको रिणबाटै मिनि बजेटको तयारी गरिरहेको छ । द डनको रिपोर्ट अनुसार व्यापारव्यवसायहरु बन्द हुने गति, अस्थाईरुपले बन्द भईरहेका काम र उद्योगहरुमा उत्पादनको कटौतीलाई मध्यनजर गर्दै ६० लाखभन्दा धेरै मानिसहरु वा कुल श्रमशक्तिको ८.५ प्रतिशत यो वर्ष बेरोजगार हुँदैछन् ।
यसमा ति मानिसहरु पनि सामेल छन्, जसले २०२३ अघि पनि रोजगारी पाएका थिएनन् । पाकिस्तानको अवस्था निकै नै खराब हुँदै गएको छ र नागरिकहरु औषधी र भोजनका लागि पनि संकटको सामना गरिरहेका छन् । पाकिस्तानमा विदेशी मुद्रा संचितिमा भारी गिरावट आएको छ ।
यसैबीच गएको ६ महिनामा १.२ अर्ब डलर, महंगा कार, अत्याधुनिक इलेक्ट्रिक वाहनहरु तथा तिनका पाटपूर्जाहरु जस्ता वस्तुहरुको आयातमा खर्च गरिएको छ । यो देश अहिले भारी वित्तिय संकटबाट गुज्रिरहेको छ । उसको विदेशी विनिमय संचिति घटेर ४ अर्ब डलरमात्रै बाँकी रहेको बताइएको छ ।
जसका कारण केन्द्रिय बैकले आवस्यक वस्तुहरुको आयात पनि कम गरेका छन् । द न्युजको रिपोर्टअनुसार अघिल्लो वर्षको तुलनामा यो वर्ष परिवहन वाहानहरु र अन्य वस्तुहरुको आयातमा कटौतीको बावजुद अर्थव्यवस्था, महंगा लग्जरी गाडिहरु र कम आवस्यक वस्तुहरुको खरीदमा भएको खर्चका कारण दबावमा परेको छ ।
आर्थिक संकटका कारण लाखौं पाकिस्तानीहरु बेरोजगार हुने अवस्थामा पुग्दा यता छिमेकी देश भारतका पनि हजारौं नागरिकहरुले अमेरिकामा रोजगारी गुमाएका छन् । अमेरिकामा गुगल, माइक्रोसफ्ट, अमेजन जस्ता कम्पनीहरुबाट आईटी पेशामा संलग्न भएकाहरु निकालिने क्रम जारी नै छ ।
जसका कारण त्यहाँ हजारौं भारतीयहरु बेरोजगार भएका छन् । सूचना क्षेत्रमा कार्यरत रहेका यी भारतीयहरु अमेरिकामा रहन र रोजगार भिजाअन्तर्गत निर्धारित अवधिभित्रै नयाँ रोजगारी पाउनका लागि संघर्ष गरिरहेका छन् ।
यदी रोजगारी नमिले हजारौंको संख्यामा रहेका उनीहरु भारत फर्किने छन । अमेरिकी मिडियाका अनुसार त्यहाँ रहेका ठूला कम्पनीहरुले करिब २ लाख कर्मचारीहरु निकालेका छन् । जसमा करिब ४० प्रतिशत आईटी पेशा अपनाएका भारतीयहरु छन् ।
