एजेन्सी,भदौ १६
बलिउड अभिनेता अक्षय कुमार अभिनित चलचित्र ‘गोल्ड’ले साउदी अरबमा रिलिज हुने यो पहिलो बलिउड चलचित्र बनेको छ । अक्षयले सामाजिक सञ्जाल मार्फत सो खबर सार्वजनिक गरेका हुन् ।
यो चलचित्र विश्वभर १०० करोड रुपैयाँ भन्दा माथिको व्यापार गरेको छ । आईएएनसको तख्याकं अनुसार रिमा कागतीद्वारा निर्देशित चलचित्र‘गोल्ड’ले पहिलो दिनमा २५.२५ करोड रुपैयाँ कमाई गरेको थियो ।
चलचित्र भारतमा ४५० हल र भारत बाहिर ४२ देशहरूमा रिलिज गरिएको थियो । १९४८ मा भएको ओलम्पिक पृष्ठभूमिमा आधारित रहेर बनाइएको चलचित्रमा अक्षय हक्की कोच ‘तपन दास’को भूमिकामा देखिएका छन् भने उनको साथमा मोनी रोयको मुख्य भूमिका रहेको छ ।
