४ वैशाख , एजेन्सी ।
नासाको इन्जेनुइटी हेलिकप्टरले भर्खरै आफ्नो ५० औं उडान पूरा गरेको छ । १३ अप्रिलमा यो हेलिकप्टरले १४५.७ सेकेन्डमा ३२२.२ मिटरको दुरी पार गरेको थियो। यससँगै हेलिकप्टर ६० फिटको उचाइमा पुगेको छ, जुन नयाँ कीर्तिमान पनि हो । ग्र
ह विज्ञानका निर्देश ल्योरी ग्लोजका अनुशार “जसरी राइट दाजुभाइले हवाईजहाज निर्माण गर्ने प्रयासमा आफ्ना प्रयोगहरू जारी राखेका थिए,त्यसरी नै इन्जेन्युइटी टोलीले उडान भर्न र अर्को संसारमा पहिलो हेलिकप्टरबाट सिक्ने काम जारी राखेको छ ।
नासाले उडानको भिडियो पनि सेयर गरेको छ । भिडियो ९ मार्च २०२३ मा नासाको पर्सीवरेन्स रोभरमा जडान गरिएको मास्टक्याम जेड इमेजरद्वारा खिचिएको थियो। भिडियो खिच्दा हेलिकप्टर र रोभर ३ सय ९४ फिटको दूरीमा थिए । नासाका अनुसार यो हेलिकप्टर उड्नेबित्तिकै चारैतिर धुलो फैलिएको थियो ।
यस क्रममा हेलिकप्टरले ४४० मिटर उडेको थियो । यो हेलिकप्टर अवतरणका क्रममा भने क्यामेरामा देखिएको छैन् । हरेक पटक इन्जेनुइटीले नयाँ रेकर्ड बनाइरहेको छ । यो हेलिकप्टर फेब्रुअरी २०२१ मा रातो ग्रह मंगलमा पुगेको थियो। यो नासाको मार्स पर्सेभेरेन्स रोभरसँग सम्बन्धित थियो।
यसले १९ अप्रिल २०२१ मा आफ्नो पहिलो उडान भरेको थियो। यो अझै दुई वर्षको उडानमा रहेको छ । नासाका अनुसार यसले थप चुनौतीपूर्ण भूभागको सामना गर्नुका साथै आगामी दिनहरूमा थप उडानहरू गर्नेछ । नासाले मंगल ग्रहमा जीवनका अवशेषहरूको खोजी गरिरहेको छ। नासाको पर्सेभेरेन्स रोभरले चट्टानी ग्रहको नमूना लिएको छ।
एसले यी नमूनाहरू ट्युबमा बन्द गरेको छ । नासाले यी नमूनाहरूलाई पृथ्वीमा फिर्ता ल्याउने योजना बनाएको छ। पर्सेभेरेन्स रोभरले ब्याकअप नमूना ट्यूबहरू पनि बोकेको छ जुन हालैका दिनहरूमा ग्रहको सतहमा खसालिएको थियो। भविष्यमा रोभरबाट नमूना निकाल्न कुनै समस्या आएमा इन्जेन्युइटी जस्ता हेलिकप्टर रोबोटले जमिनमा रहेको ट्युब सङ्कलन गर्नेछ ।
