विराटनगर,भदौ १९
मोरङको सुन्दर हरैचा स्थित वडा नम्बर ३ को डेढ किलोमिटर सडक निर्माण सम्पन्न भएको छ । हिडनलाई पनि समस्या हुने बाटोमा कालो पिच भएपछि स्थानीय जनता उत्साहीत भएका छन् । बेलगाछी,त्रिजुगा, मृगौलिया हुदै विराटनगर जोडने डेढ किलोमिटर बाटो निर्माण सम्पन्न भएपछि स्थानीय जनताहरु उत्साहित भएका छन् ।
योजनामा नपरेको बाटो राष्ट्रिय सभाका सदस्य रमेशजंग रायमाझीको पहलमा निर्माण भएको हो । उनले नेपाल सरकार मन्त्रीस्तरीय निर्णय गराएर ३ करोड ५० लाख रूपैया निकासा गराएको कार्यक्रममा जानकारी दिए । ५ वटा बाटो निर्माणका लागि साढे ३ करोड रुपैया नेपाल सरकार र सडक विभागबाट निकासा गरी अहिले डेढ किलोमिटर र थप बाटाहरु बर्खापछि निर्माण गर्ने योजना रहेको राष्ट्रिय सभा सदस्य रायमाझीको भनाई छ ।
बाटो निर्माण भएसँगै विराटनगर जान सहज भएको छ । बेलगाछी , त्रिजुगा, मृगौलिया ,हरैचा हुदै विराटनगर पुग्न सहज हुने भएको छ भने बाटो निर्माणसँगै १० हजार भन्दा बढी स्थानीयबासीहरु लाभान्वित भएको वडा नम्बर ३ का वडाध्यक्ष जीवन ढुंगानाको भनाई छ । कार्यक्रममा सुन्दरहरैचा नगरपालिकाका प्रमुख शिव ढकालले सुन्दरहरैचामा विकासका गतिविधि तिव्र रुपमा अगाडि बढेको बताए ।
