५ जेठ, एजेन्सी ।
प्रशान्त महासागरमा शक्तिशाली भूकम्प गएपछि भानुआटुको कठिनाइ बढेको छ । ७.७ म्याग्निच्युडको भूकम्पले सहरमा सुनामीको अवस्था सिर्जना गरेको छ । भानुआटुको राष्ट्रिय प्रकोप व्यवस्थापन कार्यालयले मानिसहरूलाई उच्च स्थानमा जान सल्लाह दिएको छ। सुनामीका छालहरू तीव्र हुनसक्ने उनीहरूको विश्वास छ।
प्यासिफिक सुनामी वार्निङ सेन्टर (एत्ध्ऋ) का अनुसार यस समयमा सुनामी छालहरू कम प्रभावकारी थिए। टापु राष्ट्रको बन्दरगाह सहर लेन्केलमा १.५ फिटभन्दा कम छालहरू नापिएको थियो। उही समयमा, न्यूजील्याण्डको राष्ट्रिय आपतकालीन व्यवस्थापन एजेन्सीले पनि सुनामी छालहरू तीव्र हुन सक्ने विश्वास गरेको छ।
फिजी, किरिबाटी, पपुवा न्युगिनी, गुआमलगायत प्रशान्त महासागरका टापुहरूमा सुनामीका साना छालहरू आउन सक्ने अनुमान गरिएको थियो तर अहिले खतरालाई ध्यानमा राख्दै यी स्थानहरूलाई पनि चेतावनी दिइएको छ।
सीएनएनका अनुशार फ्रान्सेली क्षेत्र न्यू क्यालेडोनियाको लोयल्टी आइल्याण्डको दक्षिणपूर्वमा ७.७ म्याग्निच्युडको शक्तिशाली भूकम्पको धक्का महसुस गरिएको थियो । प्यासिफिक सुनामी चेतावनी केन्द्रले दक्षिण प्रशान्त क्षेत्रका देशहरूका लागि सुनामी चेतावनी जारी गरेको छ। संयुक्त राज्य भूगर्भ सर्वेक्षणका अनुसार भूकम्पको केन्द्रविन्दु जमिनबाट करिब ३७ किलोमिटर (२३ माइल) तल थियो।
प्यासिफिक सुनामी वार्निङ सेन्टरले भानुआटु, फिजी र न्यू क्यालेडोनियाका लागि सुनामीको सम्भावित खतरा जारी गरिएको बताएको छ। जबकि अष्ट्रेलियाको मौसम विज्ञान ब्यूरोले यसको पूर्वी तटमा रहेको लर्ड आइल्याण्डमा खतरा हुन सक्ने बताएको छ।
