१६ माघ , एजेन्सी ।
ताइवानलाई लिएर सम्बन्ध चिसो भएकाबेला अमेरिका र चीनका उच्च अधिकारीबीच बैंककमा भेटवार्ता भएको छ । व्हाइट हाउसले सोमवार यसबारे जानकारी दिदै अमेरिकाका राष्ट्रीय सुरक्षा सचिव ज्याक सुलिभान र चिनियाँ विदेशमन्त्री वांग यीबीच थाइल्याण्डको बैंककमा महत्वपूर्ण बैठक भएको बताएको हो ।
यो बैठक १२ घण्टा लामो चलेको र यसमा कयौं महत्वपूर्ण मुद्याहरुमा छलफल भएको व्हाइट हाउसका प्रवक्ता जन किर्बीले बताएका छन् । जन किर्बीले भने सुलिभान र वांग यीले नोभेम्बरमा राष्ट्रपतिद्वय जो बाइडेन र सि जिनपिंगबीचमा भएको बैठकमा जुनजुन मुद्दाहरुमा कुराकानी भएको थियो, तिनको प्रगतिमा चर्चा भयो ।
साथै दुई सेना–सेनाबीचमा कम्युनिकेशन, आर्टिफिशियल इंटेलीजेंसको सुरक्षा र खतराहरु तथा काउंटर नारकोटिक्समा द्विपक्षीय सहयोगका बारेमा कुराकानी भएको छ । अमेरिका र चीनबीच नारकोटिक्स मुद्दामा वर्किंग ग्रुपको गठन पनि भइसकेको छ ।
साथै दुवै देशबीच रूस–यूक्रेन युद्ध, पश्चिम एशियामा विग्रिदो अवस्था, उत्तर कोरिया, दक्षिण चीन सागर र म्यांमारका मुद्दामा पनि छलफल भएको बताइएको छ । यसबीच नेटोले भने चीन–अमेरिका नजिकिएको विषयमा असन्तुष्टि जनाएको छ ।
नेटो महासचिव जेन्स स्टोल्टेनबर्गले चेतावनी नै दिएका छन् । अमेरिकी विदेश मंत्री एंटनी ब्लिंकनसंग एक प्रेस कन्फ्रेंसका क्रममा उनले भने अमेरिका र अन्य सहयोगी देश चीनको साथ छलफल गरिरहेका छन् । यो राम्रो कुरा हो । तर साथै हामीले यो कुरामा पनि ध्यान राख्नु पर्छ कि चीनले तिव्र गतिमा आफ्नो सैन्य शक्ति बृद्धि गरिरहेको छ ।
यसको अलावा उ यूक्रेनयुद्ध पछि रूससंग ज्यादा नजिकिएको छ र चीनले रूसलाई लगातार सहयोग पनि गरिरहेको छ । स्टोल्टेनबर्गले अगाडि भने ’हो, चीनको अर्थव्यवस्थाको आकार र बढ्दो सैन्य शक्ति नेटो र यसका सहयोगीहरु कालागि चुनौती हो । साथै यो अमेरिकाका लागि पनि चुनौती हो ।
अमेरिका, नेटोको सबैभन्दा ठूलो सहयोगी हो । तर अमेरिकालाई पनि नेटोबाट निकै फाइदा भइरहेको छ । र नेटोका अगाडि रुस र चीन कहि पनि टिक्दैनन् । विश्वको अर्थव्यवस्थामा अमेरिकाको जीडीपी २५ प्रतिशत छ तर नेटोका साथ हामी कुल विश्वको जीडीपीमा ५० प्रतिशतको हिस्सेदारी राख्दछौं ।
साथै विश्वको कुल सैन्य शक्तिको आधा भाग पनि नेटोसंगै छ।’ नेटो महासचिवले भने, ’यस्तोमा अमेरिकाले चीनका साथ एक्लै वार्ता गर्नुको कुनै कारण नै छैन । हामी साथमा निकै बलियो छौं र अमेरिकाका लागि नेटोका साथमा रहनु धेरै लाभदायक छ । स्टोल्टेनबर्गले भने, आज विश्व निकै खतरनाक भएको छ र यस्तो बेला नेटोको भूमिका र महत्व अहम छ।’
