२८ वैशाख, काठमाण्डौ ।
विश्वकप सुरु हुनु एक महिना अघि अमेरिका उडेको नेपाली टिम अहिले अमेरिकामा छ । विश्वकप नजिकिदै गर्दा विश्वकपको तयारीका लागि वेस्टइन्डिजसँग अभ्यास खेल्ने तयारीमा रहेको नेपालको विश्वकप अघिको तालिका सार्वजनिक भएको छ। क्यानले सार्वजनिक गरेको तालिका अनुशार नेपालले मे २५ सम्म अमेरिका र वेस्टइन्डिजमा तालिम र अभ्यास गर्नेछ ।
नेपाली टिम मे १२ मा विश्कप आयोजना स्थल सेन्ट भिसेन्टका लागि प्रस्थान गर्नेछ । १३ मा त्याहा तालिम गर्नेछ । १४ मा त्याहा पहिलो अभ्यास खेल खेल्नेछ । १५ मा आरामसहित आन्तरिक तालिममा सहभागि हुनेछ । यस्तै १६ मेमा विन्डवार्ड आइल्यान्ड र सेन्टभिसेन्टको संयुक्त टिमसँग दोस्रो अभ्यास खेल खेल्नेछ । सार्ह टिमसँग १८ मे मा अर्काे खेल खेल्नेछ ।
१९ मा फेरि नेपाली टिम होस्टनका लागि फर्किनेछ । २१ म त्याहा विकेट तालिमा लिनेछ भने २२ र २३ मेमा होस्टन हुरीकेनसँग अभ्यास खेल खेल्नेछ । यसपछि २५ मा भने नेपाल विश्वकपको वार्मअप खेलमा सहभागि हुनेछ । नेपाल टी–२० विश्वकपको आधिकारिक प्रतियोगिता अगाडिको वार्मअप खेलमा बलिया टेस्ट टिमसँग खेल्ने अवसर भिड्नबाट वञ्चित बनेको छ ।
नेपाल क्रिकेट संघ (क्यान) का अनुसार नेपाली टीमले दुईवटा वार्मअप आयोजक अमेरिका र क्यानडासँग खेल्ने निधो भएको छ । दुवै वार्मअप म्याच अमेरिकामा २६ र २८ तारिखमा हुनेछन् । यद्यपि, आधिकारिक तालिका सार्वजनिक भइसकेको छैन् ।नेपालले विश्वकपको पहिलो खेल भने नेदरल्यान्ड्सविरुद्ध जुन ४ तारिखमा अमेरिकाको डाल्लासमा खेल्नेछ ।
दोस्रो खेल अमेरिकाकै फ्लोरिडामा १२ जुनमा श्रीलंकाविरुद्ध खेल्ने तालिका छ । नेपालका बाँकी दुई खेल वेस्ट इन्डिजमा छन् । वेस्ट इन्डिजको सेन्ट भिन्सेन्टमा साउथ अफ्रिका विरुद्ध १५ तारिखमा म्याच छ भने समूह चरणको आफ्नो अन्तिम खेल बंगलादेशविरुद्ध १७ तारिखमा सोही मैदानमा खेल्ने तालिका रहेको छ । नेपालले समूह चरण पार गर्ने लक्ष्य राखेको छ ।
