१८ सांसर ,काठमाण्डौ ।
नेपाल प्रियिमर लिग (एनपीएल)मा चितवन राइनोजविरुद्ध पोखरा एभेन्जर्सले लज्जास्पद हार व्यहोरेको छ । कीर्तिपुरस्थित त्रिवि अन्तर्राष्ट्रिय क्रिकेट मैदानमा मंगलबार भएको आफ्नो पहिलो खेलमा पोखरा चितवनसँग ८७ रनले पराजित गरेको हो ।
चितवनले दिएको १६२ रनको लक्ष्य पछ्याएको पोखराले फितलो जवाफी ब्याटिङ ग¥यो । खेल ३.२ ओभर पुग्दासम्म नै पोखराले ६ विकेट गुमायो । जतिबेला पोखराको ७ रन मात्रै रहेको थियो। पहिलो ओभरको पहिलो बलमै कप्तान कुशल भुर्तेल आउट भएसँगै धर्मराएको पोखराको ब्याटिङ ३.२ ओभरसम्म सम्हालिन सकेन ।
कुशल आउट भएलगत्तै पहिलो ओभरको नै पाँचौं बलमा दिलिप नाथ ४ रनमा र अन्तिम बलमा बास डी लिडे पनि गोल्डन डकआउट भए । सो ओभरको सबै विकेट चितवनका सोहेल तानबिरले लिएका हुन् ।
चौथो ओभरमा पनि पोखराले थप ३ विकेट गुमायो । ३.१ ओभरमा दिनेश खरेल १ रनमा एलबीडब्लु आउट भए । ३.४ ओभरमा किरण थगुन्ना पनि एलबीडब्लु आउट भए । ३.६ ओभरमा माइकल लिस्क पनि शून्यमा नै आउट भए ।
तीनै विकेट रिजन ढकालले लिए । चौथो ओभर सकिँदा पोखराले ६ विकेट गुमाएर मात्र ७ रन बनाउन सक्यो । यसपश्चात पोखरा केही सम्हालिन खोजे पनि ६.२ ओभरमा लुक बेन्केन्स्टिनले चितवनका लागि सातौं विकेट लिइँदै रेमन रेफरलाई १ रनमा आउट गरे ।
त्यसपछि क्रिजमा आएका मार्कस क्रिचले १७ र नारायण जोशी ३० रन जोडेर आउट भए । टोलीमा १३.२ ओभरमा ७४ रन बनाउँदै अलआउट भयो । यसअघि चितवनले पूरै ओभर खेलेर ७ विकेटको क्षतिमा १६१ रन बनाएको थियो ।
चितवनका लागि रवि बोपराले अर्धशतक प्रहार गरेका थिए । उनले ३८ बलमा ३ चौका र ३ छक्क प्रहार गरे । कप्तान कुशल मल्लले ३८, लुक बेन्केनस्टाइनले १६ र हसन इसाखिलले १४ रन बनाए । अन्य खेलाडीले दोहोरो अंक छुन सकेनन् ।
पोखराका लागि बिपिन खत्री र बास डी लिडेले २–२ तथा सागर ढकाल र रेमन रेफरले १–१ विकेट लिए । यो चितवनको लगातार दोस्रो जित हो । यसअघि हिजोको आफ्नो पहिलो खेलमा चितवनले काठमाडौं गुर्खाजलाई पराजित गरेको थियो।
आजै भएको पहिलो खेलमा विराटनगरले हार देहोर्याएको थियो भने सुदूरपश्चिमले पहिलो सानदार जित हासिल गरेको छ । सुदूरले विराटनगरलाई ९० रनले पराजित गरेको थियो । अब भोलिको दोस्रो खेलमा विराटनगरले लुम्बिनी लाइन्ससँग आफ्नो तेस्रो खेल खेल्नेछ ।
नेपाली राष्ट्रिय टिमका कप्तान रोहित पौडेल नेतृत्वको लुम्बिनीले आफ्नो पहिलो खेल खेल्नेछ । एनपिएलको भोलिको पहिलो खेलमा भने कर्णाली याक्स र काठमाडौं गुर्खाज भिड्ने छन् । यसअघि आफ्नो पहिलो खेलमा यी दुवै टिम पराजित भइसकेका छन् ।
